Este ano foi a XXV ediçom do galardom, sob a legenda ‘En galego, empresa/comercio + intelixente’, que promove a Cámara Municipal de Compostela e a Cámara de Comercio local.
Os prémios Manuel Beiras venhem reconhecendo desde o ano 2000 o uso habitual do galego no ámbito empresarial e comercial na capital galega. Na passada semana foi a Gala de entrega dos mesmos, no Teatro Principal de Compostela, num ato presidido pola alcaldesa da cidade, Goretti Sanmartin.
Na categoria de uso continuado do galego, o jurado reconheceu a loja de moda responsável Ela Diz, com destaque em que a propietária, originária de fora da Galiza, é “exemplo de integraçom e respecto à cultura de acolhida”.
Na modalidade de nova incorporaçom, o galardóm foi para a operadora de telecomunicações Toxo Telecom. Neste caso, reconheceu-se o “valor diferencial” da empresa implantada recentemente em Compostela.
Finalmente, a categoria de comunicaçom inovadora foi para a hamburgueria Chichalovers. O restaurante alicerça a sua proposta na produçom de proximidade, entre umha granja familiar e a praça de abastos, ponhendo em valor o território e os produtos de proximidade, com a nossa cultura.
Goretti Sanmartín parabenizou as três empresas premiadas “que ussam a nossa língua sem complexos” e congratulouse de que após 25 anos de trajetória destes prémios “temos hoje um elenco variado e viçoso de comércios, locais de hostalaria, empresas de serviços, entidades grandes e pequenas, de setores diversos, que formam umha paisagem linguística da que podemos sentir orgulho e que contribui a que Santiago mantenha os melhores resultados de uso da língua de todas as cidades galegas”.
