PGL – O certame de Poesia Díaz Jácome para novos criadores vem de ampliar o prazo de entrega de trabalhos, que rematara no passado 1 de julho, até o vindouro 1 de setembro de 2010.
O concurso, organizado polo Concelho de Mondonhedo e patrocinado pola Deputaçom provincial de Lugo, tem por objectivo estimular a criaçom poética entre os jovens. A quantia do prémio para o ganhador é de 1.500 euros, 600 para o segundo prémio e 300 para o terceiro.
Ao concurso poderám concorrer pessoas de idade nom superior a 30 anos de qualquer nacionalidade. Os poemas serám originais e inéditos e escritos em língua galega. Tampouco poderám ter sido premiados noutros certames de data anterior ao ditame do júri.
+ Ligaçons relacionadas:
- Convocado o XI Prémio de Poesia Díaz Jácome para novos criadores (prazo sem actualizar) [Mondonedo.net, 10/04/2010]
