Campanha para lançamento da BD sobre Carvalho Calero supera todas as expectativas

A recadaçom está perto dos 7000€ com o apoio de mais de duzentas mecenas



cantar-de-cego-bd-carvalho-caleroA campanha lançanda através da plataforma Verkami para apoiar a publicaçom da novela gráfica baseada na biografia de Carvalho Calero teve umha excelente acolhida, superados já os 6000€ marcados como contributo ótimo para o lançamento, está perto dos 7000€ neste momento.

A Demo Editorial e Através, que lançam este projeto em parceiria, editarám o livro com 124 páginas em formato A4 vertical a preto e branco, encadernado em capa dura. Ambas agradecem os contributos das mais de duzentas pessoas mecenas e acrescentam recompensas às participantes: para além do pacote de recompensa reservado, acrescentara-se um autocolante, um crachá e umha assinatura personalizada polos autores do livro.

E ainda marcam novos objetivos: “Se chegarmos a 7000€ acrescentamos BSO de quatro temas com cada pack. Se chegarmos a 7500€ acrescentamos cantar de cego com cada pack.”

Por se ter ultrapassado já o objetivo ótimo dos 6000 euros, ademais, todos os livros irám assinados polos autores Xico Paradelo, Irene Veiga e Iván Suárez.

Há uns dias, publicamos neste portal umha entrevista com as editoras, que reconheciam estar a ter umha “resposta espectacular, muito por cima das expectativas”. Ademais, Valentim Fagim, de Através Editora, e Manel Cráneo, de Demo Editorial debulham como foi o seu processo de aliança e a potencialidade do futuro livro.

Também entrevistamos o roteirista do livro, Xico Paradelo, que nos falou do projeto polo miúdo, e que nos achega a umha obra que dará para conhecer melhor um autor tam completo, um “gigante da nossa cultura tam injustamenta afastado do conhecimento público”.

A campanha também teve difusom em outros meios, como o Nós Diario que entrevistou o Xico Paradelo antes do lançamento e noticiou o sucesso de recadaçom. E ainda o programa A Revista, da TVG, fez umha apresentaçom do projeto, onde a jornalista Maria Solar dá passo a Xico Paradelo e Irene Veiga.

O prazo para participar como mecenas ainda está aberto e para seguir as novidades sobre o projeto há informaçom atualizada nas suas redes sociais, no facebook, twitter e instagram.


PUBLICIDADE

  • Ernesto Vazquez Souza

    que cousa impressionante, amigos…