PGL – O Grupo Parlamentar do Bloco Nacionalista Galego (BNG) denuncia a existência de sinalética viária que contém denominaçons toponímicas deturpadas. Em concreto, denunciárom um painel da N-634 à entrada de Compostela que pom La Coruña.
A titularide da estrada é do Ministério espanhol do Fomento. O treito toma o nome de Avenida Rodríguez de Vigúri, e tem indicaçom viária com os topónimos “La Coruña” e texto como “Centro ciudad” ou “Aeropuerto“, que excluem a língua galega e constituem umha ilegalidade flagrante, violando o marco legal vigente (artigo nº 10 da Lei 3/1983), que estabelece que os topónimos da Galiza terám como única forma oficial a galega.
Segundo o escrito apresentado polos Parlamentares do BNG, “as instituiçons públicas, incluindo também o Governo espanhol (neste caso o Ministério do Fomento), deveram dar exemplo de cumprimento da legalidade, depois da existência, desde há 27 anos, do quadro legal descrito”.
BNG perguntou a Secretaria Geral de Política Lingüística sobre as intençons de substituir no menor prazo possível a sinalética citada, e em caso de solicitar a substituiçom, em que jeito e que prazo.
