O Ateneo da cidade de Ponte Vedra organza umha série de atividades de homenagem à Revoluçom dos Cravos, que decorrem entre a quarta-feira dia 24, quinta-feira dia 25 e a terça-feira da semana próxima, dia 30.
A programaçom começa com um concerto no Bar O Diaño, do Colectivo Xestal, no dia 24. No próprio dia 25 de manhá decorrerá o lançamento da coletánea Sempre abril às 12h no edifício Castelao do Museu de Ponte Vedra. Ali, falarám Xaime Toxo, Graça Amiguinho, o editor Avelino Xacome Iglesias e o diretivo da Casa da Beira Alta, Afonso Costa. No mesmo ato, haverá um momento musical amenizado por Toño Nunez e José do Castro, e a interpretaçom teatral A revolução dos Cravos e Celeste Caeiro. A seguir, haverá um jantar de confraternizaçom.
Também o dia 25 desenvolvera-se umha cantata pública do Grándola, vila morena, com a agrupaçom musical Mais Cantos, nas escadas do Teatro Principal às 19h.
Na semana a seguir, a terça-feira dia 30 decorrerá a palestra Todos eles forom capitáns com os membros da MFA, Pedro Cunha Lauret, Carlos Almada Contreiras e Antonio Rosado da Cruz. Haverá também atuaçom da Polifónica de Ponte Vedra no paço de Mugartegui (praça da Pedreira) às 19h.
E
