PGL – A Axencia Galega das Industrias Culturais (Agadic) e o estado brasileiro de Minas Gerais assinárom um acordo para promover o intercâmbio de grupos e artistas no contexto da Womex, a principal feira internacional de música folk, de raíz, étnica e tradicional que se celebra em Copenhaga.
Deste modo, entre oito e dez grupos galegos participarám em junho de 2010 no estado brasileiro de Minas Gerais num ciclo que terá umha semana de duraçom. No que atinge à Galiza, a nossa terra acolherá, também no vindouro ano, umha semana cultural de música brasileira.
Segundo a Conselharia de Cultura e Turismo, a presença galega na Womex saldou-se com mais de duas mil pessoas a visitarem o expositor galego, no que se distribuiu um CD cumha selecçom de temas de artistas galegos, o guia Galician Festivals e a revista Ao Vivo Música.
