O presidente do Conselho da AGAL, nos termos legais e estatutários, notifica a convocatória da Assembleia Geral ordinária para o próximo dia 3 de dezembro (sábado). Terá lugar às 11h00 na primeira convocatória e às 11h30 na segunda. Decorrerá na Paço da Cultura de Ponte Vedra (no primeiro andar), sito na rua de Alexandre Bóveda, s/n. O objetivo desta localizaçom é, mais um ano, ligar a assembleia com a celebraçom do Culturgal, evento em que a nossa associaçom contará com um posto próprio.
ASSEMBLEIA GERAL ORDINÁRIA. ORDEM DE TRABALHOS:
- Aprovaçom, se proceder, da ata anterior
- Relatório do ano 2016
- Projetos para o ano 2017
- Debate e aprovaçom, se proceder, do texto de confluência normativa
- Orçamento para o ano 2017
- Outras questons
* * *
OBSERVAÇONS:
- Para os pontos 1, 4 e 5 serám disponibilizados documentos enviados por correio electrónico aos sócios e sócias que o desejarem.
- Após a assembleia, haverá um jantar de convívio (prévia reserva) no próprio Paço da Cultura, para o qual os sócios e sócias receberám informaçom por correio eletrónico.
- A seguir reproduzimos o artigo 50 dos estatutos, que faculta a convocaçom de assembleias utilizando apenas as mensagens eletrónicas.
Artigo 50.- Das notificaçons
As notificaçons do Conselho aos associados serám efetuadas por correio eletrónico e nos espaços virtuais da associaçom
