PGL – Terminou a campanha de dinamizaçom da língua galega nos mercados promovida pola Concelharia de Normalizaçom Lingüística do Concelho da Corunha, A nosa compra en galego, com umha participaçom do cento por cento entre os comerciantes galegos.
Esta campanha, que tinha como objectivo fomentar o uso do galego nos mercados municipais corunheses e a recuperaçom das formas tradicionais de compra e venda, repartiu 8.500 cadernos da listagem da compra entre os clientes dos mercados e 275 dicionários sobre a linguagem do comercio aos vendedores.
Ademais, revalorizou os mercados como lugar de transmissom cultural, achegando formas artísticas como a dança ao Mercado Municipal das Conchinhas, a música ao de Santo Agostinho e a poesia ao Mercado da Praça de Lugo. Neste último, a acçom poético-sonora Falar e andar com os mesmos pés, desenvolvida por David e Estevo Creus junto às bailarinas Marta Alonso e Paulina Funes, contou com umha especial participaçom dos comerciantes que, durante 45 minutos, gozárom dos novos conceitos multimédia de criaçom poética polos distintos recintos do mercado municipal.
As imagens e áudios das actividades estám disponíveis nesta ligaçom.
+ Ligaçons relacionadas:
- Às compras por Ferrol, em galego [PGL, 28/10/2009]
