PGL – A Cámara de Ferrol, atendendo a proposta do Conselho Municipal da Língua, iniciou umha campanha para aumentar a presença social do galego nos mercados municipais. A iniciativa ‘Em galego, com muito gosto’ realizará-se até fins de dezembro.
Entre outros objectivos, pretende-se que o galego seja vinculado com os produtos alimentares de qualidade. Nesta linha, o autarca, Vicente Irisarri, destacou que num mundo cada vez mais globalizado, o galego está ameaçado, polo que o conhecimento da riqueza do léxico da nossa língua será um dos objectivos prioritários da iniciativa.
Entre as iniciativas máis destacáveis da actividade encontra-se o oferecimento de presentes aos clientes dos mercados ou o concurso de receitas elaboradas com produtos galegos. Os agasalhos tencionam ser de utilidade diária para a visita aos mercados e para a potenciaçom do uso do galego. Assim, entre outros, os clientes serám presentados com documentaçom sobre os mercados e os produtos, sacos ou avantais. Ainda, dous postos informativos estarám ao serviço de quem se achegar por Recimil ou a Madalena, onde os bilhetes de compra servirám para recolher algum prémio.
+ Ligaçons relacionadas:
