PGL – Hoje, sexta-feira dia 12 de Março, às 20h00 na EOI de Lugo, decorrerá a apresentaçom da obra audiovisual Entre línguas realizada por João Aveledo, Eduardo Maragoto e Vanessa Vila Verde. A apresentaçom forma parte do programa da Semana Cultural que cada ano organiza a Escola Oficial de Idiomas de Lugo.
Montado por Ramiro Ledo e com umha duraçom de 30 minutos, a obra é a estreia no campo audiovisual dos dous realizadores e da realizadora, que viajárom polos cinco territórios que, pertencendo administrativamente a Espanha por vicissitudes históricas, continuam a manter o português como língua própria.
O caso do ‘galego de Cáceres’ tornou-se conhecido na Galiza há quase duas décadas. Porém, ao longo da fronteira com Portugal, desde a Província de Samora até a de Badajoz, existem outros quatro territórios que, por diferentes vicissitudes históricas, possuem actualmente soberania espanhola e conservam uns dialectos muito semelhantes ao galego.
Afinal, o que é o galego? Será que a língua portuguesa, em contacto com o castelhano sobreposto através de séculos pode dar origem a outros galego? No transcurso deste documentário, os vizinhos destas quase sempre pequenas vilas contam-nos como vivem a sua mais forte peculariedade e conversam sobre os motivos para continuarem a falar como ainda falam e cantam, ou todo o contrário.
Ver o tráiler de Entre Línguas
+ Ligaçons relacionadas:
- Projecçons do documentário ‘Entre Línguas’ em Vigo e Ordes [PGL, 04/03/2010]
- O galego ou a caminhada do português para o castelhano [PGL, 02/02/2010]
- Web das III Jornadas de Língua
- III Jornadas de Língua: o galego, «umha oportunidade» [PGL, 25/01/2010]
- III Jornadas de Língua em Ourense [PGL, 21/01/2010]
