PGL – Por terceiro ano consecutivo terá lugar em Ourense umha nova ediçom das Jornadas de Língua que, desta feita, se desenvolverám entre os dias 22 de Janeiro e 6 de Fevereiro. O prazo para efectivar a pré-inscriçom finaliza amanhá, dia 22 de Janeiro. A quota para sócios da AGAL será de só 15 euros.
Organizado em parceria pola Associaçom Galega da Língua (AGAL), o Sindicato de Trabalhadoras e Trabalhadores do Ensino na Galiza (STEG), a Associação Sócio-Pedagógica Galaico-Portuguesa (AS-PGP), o Movimento Defesa da Língua (MDL) e o Centro Social A Esmorga, as jornadas tenhem como objectivo elevar o galego ao nível real de língua, sem lastros e sem complexos, dignificando-o como idioma próprio dos galegos e das galegas e com projecçom mundial, quebrando assim os muros que o isolam dentro de umhas fronteiras regionais.
Mais um ano, as jornadas estarám conformadas por duas partes, umha de tipo formal (com diploma) e outra lúdica. A primeira contabiliza 19 horas e expedirá-se um diploma acreditador da Universidade de Vigo, departamento de Didáctica, Organizaçom Escolar e Métodos de Investigaçom, válido para todo o tipo de concursos (excepto sexênios).
O preço da inscriçom para o público geral é de 30 euros. Para desempregados, sócios da AGAL, da Esmorga e filiados do STEG, 15 euros. Para efectivar a pré-inscriçom é preciso que a pessoa interessada envie um correio electrónico para linguaourense [arroba] gmail.com com o assunto «Jornadas de Língua», especificando na mensagem nome completo, bilhete de identidade e telefone de contacto. Depois de efectuado o pagamento, publicará-se no web das Jornadas a lista de pessoas admitidas. Nas jornadas, que terám lugar no Edifício Politécnico do Campus de Ourense, poderá haver um máximo de 175 inscriçons.
Ainda, como vem sendo habitual, haverá umha série de actividades lúdicas integradas por 5 concertos, concursos do Planeta NH e ainda mais. Estas actividades terám um preço de 4 euros, podendo ser adquirido um bónus de 15 euros para os cinco eventos musicais.
Oferecemos a seguir o programa completo:
Atividades computáveis (19 horas):
Todas as palestras vam decorrer no edifício Politécnico do Câmpus de Ourense.
27 de Janeiro – 18:30. Mesa Redonda: Visons portuguesas da Galiza e a sua língua.
29 de Janeiro – 18:30. Maurício Castro: Conceitos básicos sobre língua e sociedade.
30 de Janeiro – 10:00. Coletivo Glu-Glu: Documéntario: Entre Línguas.
30 de Janeiro – 12:00. Eduardo Maragoto: Evoluçom das competências linguísticas dos galegos e das galegas: análise intergeneracional..
4 de Fevereiro – 18:30. Álvaro Iriarte: Umha língua nom se fai só substituindo palavras.
5 de Fevereiro – 18:30. Ugia Pedreira, Uxia Senlle e Xurxo Souto: Música, língua e comunicaçom.
6 de Fevereiro – 10:00. Bernardo Penabade: O Modelo Burela.
6 de Fevereiro – 12:00. Paulo Gamalho: Modelos Linguísticos para a educaçom
Actividades externas (lúdicas):
Todas as actividades externas vam decorrer no Centro Social A Esmorga (rua da Telheira, 9, rés-do-chao).
22 de Janeiro – 22:30. Concerto de Emílio José (Galiza).
23 de Janeiro – 22:30. Concerto de Aline e César (Angola).
29 de Janeiro – Concurso Planeta NH.
30 de Janeiro – 22:30. Andarilhos (Portugal).
5 de Fevereiro – 22:30. Concerto de Fred Martins (Brasil).
6 de Fevereiro – 22:30. Concerto das Pandereteiras Traspés (Galiza).
+ Ligaçons relacionadas:
- Inscriçons: linguaourense [arroba] gmail.com
- Crónica multimédia de umas Jornadas vanguardistas [PGL, 11/02/2009]
- II Jornadas de Língua em Ourense [PGL, 10/01/2009]
- Documentário «Fronteiras», ao ‘alcance’ do público espanhol em Cádis [PGL, 01/09/2009]
- Web Oficial III Jornadas de Língua em Ourense: www.linguaourense.org
- Centro Social A Esmorga: aesmorga.agal-gz.org
- «O galego visto de Portugal» nas Jornadas de Língua em Ourense [Velho PGL, 23/04/2008]
- I Jornadas de Língua em Ourense: Activismo linguístico continua em Ourense. [Velho PGL, 03/05/2008]
