PGL – Sexta-feira, 15 de Outubro, Alhariz recebe a focega Ugia Pedreira para fazer mais umha apresentaçom da nova criaçom músico-lírica Noente Paradise. À meia, Fred Martins acompanhará-a num concerto ao vivo. A apresentaçom deste trabalho da Através| Editora é organizada pola livraria Aira das Letras, em cujas instalaçons decorrerá a apresentaçom.
No evento intervirám a autora da criaçom, Ugia Pedreira e mais duas pessoas mui ligadas a esta publicaçom. Por umha parte Raquel Miragaia representante de Através| Editora, da qual Noente Paradise é umha dos primeiros títulos editados na sua colecçom Através| Das Letras. Também estará na apresentaçom Marina Oural.
Ao falar de Ugia Pedreira estamos a falar dumha artística multifacetada, pois tem musicado espectáculos teatrais, dirigido centros de folque com nomes cambiantes (aCentral), gerido, produzido, ordenado, desenhado… Em Noente Paradise cobre um espaço ainda nom explorado, o do papel. A cantora resgata as retóricas que arrouparam músicas eclécticas, marfulianas, nordestinas ou matraqueiras e acrescenta-lhes cantigas ainda nom musicadas, isto é, poemas à procura de melodias, recolhidos no CD que acompanha o livro, como o ‘Sabe a pau’ que disponibilizamos a seguir.
«Sabe a pau»
(Noente Paradise, ATRAVÉS | EDITORA, 2010)
{mp3remote}https://www.pgl.gal/media/2010/010810_sabeapau.mp3{/mp3remote}
Como explica Martázul Busto, em Noente Paradise Ugia Pedreira “atirou ao público, desde antes dos remotos tempos de Chouteira, voz e olhadas, mesmo sinais. Agora atira-se ela sem mediaçom.
Após este evento, à meia noite, Ugia Pedreira e Fred Martins ofereceram um concerto ao vivo no Roi Xordo.
+ Ligaçons relacionadas:
- Comprar Noente Paradise na loja Imperdível
- Apresentaçom de ‘Noente Paradise’, de Ugia Pedreira, em Ribeira [PGL, 06/10/2010]
- Ugia Pedreira apresenta ‘Noente Paradise’ em Foz [PGL, 30/09/2010]
- Apresentaçons de Noente Paradise, de Ugia Pedreira e Animais, de Sechu Sende ao longo do País [PGL, 22/09/2010]
