PGL – Quinta-feira, 7 de Outubro, às 20.30 h. a focega Ugia Pedreira estará à Ribeira para fazer mais umha apresentaçom da nova criaçom músico-lírica Noente Paradise, que vem de ser oferecido ao público na Marinha, na Festa da Cultura de Rio Torto e na Livraria Bahia de Foz.
O Livro-CD editado por Através| Editora será apresentado aos assistentes ao acto, organizado polo Ateneu Valle-Inclán e a associaçom Altofalante.
No evento intervirám a autora da criaçom, Ugia Pedreira e mais duas pessoas mui ligadas a esta publicaçom. Por umha parte Raquel Miragaia representante de Através| Editora, da qual Noente Paradise é umha dos primeiros títulos editados na sua colecçom ATRAVÉS | DAS LETRAS. Pola outra Xosé Antonio Rubal como um dos responsáveis polo desenho do livro.
Ao falar de Ugia Pedreira estamos a falar dumha artística polifacetica: tem musicado espectáculos teatrais, dirigido centros de folque com nomes cambiantes (aCentral), gerido, produzido, ordenado, desenhado… Em Noente Paradise cobre um espaço ainda nom explorado, o do papel. A cantora resgata as retóricas que arrouparam músicas eclécticas, marfulianas, nordestinas ou matraqueiras e acrescenta-lhes cantigas ainda nom musicadas, isto é, poemas à procura de melodias, recolhidos no CD que acompanha o livro, como o ‘Sabe a pau’ que disponibilizamos a seguir.
Como explica Martázul Busto, em Noente Paradise Ugia Pedreira “atirou ao público, desde antes dos remotos tempos de Chouteira, voz e olhadas, mesmo sinais. Agora atira-se ela sem mediaçom.
+ Ligaçons relacionadas:
