PGL – O Centro Cultural Carvalho Calero acolhe a amostra “Editar em galego baixo a censura franquista”, umha exposiçom organizada pola Fundaçom Penzol e a Cámara de Ferrol e que ilustra as práticas repressoras da censura quanto à ediçom em galego.
No acto de apresentaçom pública, a concelheira para a Cultura, Mercedes Carbajales, junto com o coordinador geral da exposiçom, Xosé Manuel Soutullo, e o comissário Xosé Manuel Dasilva, animárom à cidadania a achegar-se até o centro cultural para comprovar a tortura intelectual que exerceu o fascismo na Galiza.
Na maioria dos casos, os documentos nela recolhidos nunca fôrom divulgados, mas conformam umha parte fundamental da memória colectiva, resgatada com esforço. Alguns deles mesmo chegam a proporcionar novidades no que di respeito a diversos capítulos relevantes da história cultural da Galiza. A amostra inaugura-se amanhá às 19 horas e, a partir de entom, permanecerá aberta até o dia 30 em horário de 10 a 14 horas e de 19 a 21:30 horas.
Dasilva, que explicou que o da exposiçom é um tema pouco estudado, agradeceu a contribuçom da editorial Galaxia, as ajudas do concelho de Ferrol e os apoios da Junta, que apostou por dar à exposiçom um cariz itinerante. Desta maneira, após o passo por Ferrol, a amostra viajará até Foz, Lugo e a Corunha.
