PGL – Mesmo apesar de Galicia Bilingüe, que chegou a pedir sanções para os directores dos centros que o autorizassem, os sindicatos CIG-Ensino, CCOO-Ensino, FETE-UGT e STEG continuam na mesma e pedirám nos conselhos escolares de toda a Galiza a adesom a um documento contra o ‘Decretaço’.
Com esta iniciativa, visam que o conselho escolar de cada centro de ensino primário e secundário adiram ao acordo adoptado polo Conselho Escolar da Galiza no passado 7 de abril, quando frutificou uma emenda à todalidade do chamado Decreto do Plurilingüismo, o qual significa, na prática, a rejeiçom do máximo órgão de representaçom da comunidade educativa a este projecto da Junta.
A campanha está precedida de umha carta explicativa e de um modelo de escrito[PDF]. Frente às acusações de Galicia Bilingüe, que vê na iniciativa um «acto político», os sindicatos lembram que a participaçom da comunidade educativa na gestom dos centros está regulada «há décadas», e consideram «inadmisível» que «venham alguns agora a pôr em causa a legalidade deste direito».
+ Ligações relacionadas:
- Carta explicativa e modelo de escrito dirigido aos conselhos escolares [PDF]
- Galicia Bilingüe pede sanções aos directores dos centros que autorizem o debate nos conselhos escolares [Vieiros, 04/05/2010]
- Os sindicatos denunciam que Educaçom nom quer negociar o ‘Decretaço’ [PGL, 26/03/2010]
- Os sindicatos do ensino apoiam os relatórios da RAG e do CCG sobre o decreto [PGL, 05/02/2010]
- UGT e CCOO acusam Feijóo de instrumentalizar o galego como «distracçom» [PGL, 21/01/2010]
