PGL – Num documento publicado ontem, a associaçom da Estremadura espanhola Além Guadiana, propom iniciativas em diversos âmbitos e anima a empreender actuaçons que reforcem a singular riqueza cultural de umha localidade, Olivença, onde é latente o legado português.
Entre as linhas de actuaçom incluem-se o fomento do bilingüismo a través da informaçom turística, a rotulaçom urbana, a promoçom dos eventos e festividades ou a difusom bilingüe nos meios de comunicaçom locais, mas também, medidas de estreitamento dos laços culturais com a lusofonia, através da potenciaçom dos actuais vínculos fraternos com cidades portuguesas, ou a promoçom de actividades diversas relacionadas com a música, o teatro, a literatura ou a gastronomia.
Na mesma linha, o documento recolhe outras actuaçons que perserguem a preservaçom do património cultural intangível de herdança portuguesa, com o ponto forte no âmbito linguístico, assim como na tradiçom oral.
As propostas, com fins culturais e turísticos, estám focadas tanto para Olivença e as suas aldeias como para a localidade de Táliga, onde já tivêrom umha boa acolhida por parte dos representantes das instituiçons locais, segundo explicou o colectivo Além Guadiana.
+ Ligaçons relacionadas:
- O galego ou a caminhada do português para o castelhano [PGL, 02/02/2010]
- ‘A Fala, umha língua supervivente’, reportagem em vídeo sobre o galego da Estremadura [PGL, 29/01/2010]
- Associação Além Guadiana
