PGL – A associaçom de intervençom cultural Andaime, parceira da AGAL nos recentes CPP, acaba de publicar no seu blogue umha recompilaçom de recursos lingüísticos. É umha proposta «razoada» e que pom, «de jeito natural» e «em pé de igualdade» as diferentes variedades do galego.
«Razoada», porque se trata dum catálogo comentado para orientar e é exaustivo, desde dicionários até trabalhos fraseológicos ou correctores. É umha compilaçom de ligaçons que se podem encontrar na rede e que resultam de utilidade à hora de elaborar textos ou estudos em galego ou sobre a língua galega.
Esta listagem pretende unificar umha série de recursos dispersos e, em ocasions, difíceis de atopar. Permite umha reduçom de tempo e trabalho que repercute positivamente na realizaçom da actividade a fazer.
A compilaçom é aberta e renovável, tanto como a Internet vaia alojando novos programas ou trabalhos úteis em qualquer especialidade ou uso da língua galega.
Entre muitíssimos outros recursos aparecem o dicionário e-Estraviz (AGAL), o Dicionário de Fraseologia (AGAL), o Vocabulário Ortográfico da Língua Portuguesa (Porto Editora), o Vocabulário da Priberam ou o Léxico da Galiza (AGLP).
+ Ligaçons relacionadas:
