PGL – A proposta de um galego aberto ao mundo continua a ganhar espaços além da internet. Aos poucos, jornais e publicaçons galegas vam abrindo caminho ao trabalho criativo a partir de umha concepçom lusófona do galego. O último exemplo, o recém editado número 744 da Revista das Letras, suplemento do jornal Galicia Hoxe, dedicado na íntegra à escritora Concha Rousia.
Nas oito páginas da publicaçom, disponibilizada em formato de fácil leitura na internet, sob o título Concha Rousia A memória recobrada, o trabalho da escritora raiota começa sendo apresentado da seguinte maneira: «A palabra escrita como cerne da loita contra o esquecemento. Como vía para acadar a transmisión da memória colectiva dun povo e reivindicar a riqueza de unha cultura».
A seguir, e como bons exemplos do referido texto introdutório que nos apoxima da pessoa e da sua obra, som publicados o alegórico conto Retorno a Totem-Ghetto e o descarnado poema Fui. O suplemento acompanha os textos com duas frondosas fotografias de paisagens, bem como umha grande imagem da escritora reintegracionista.
