O projeto começou em 2017 e este ano decorre a oitava ediçom, que se desenvolve sob a legenda “Fachenda ao cadrado”.
Está já aberto o prazo de inscriçom e acaba o próximo 15 de novembro às 23.59h.
Youtubeiras é um projeto organizado polos serviços de normalizaçom linguística de dez concelhos, das três universidades e da Deputaçom da Corunha com o objectivo de fomentar a criaçom de conteúdos digitais em galego com temáticas e formatos diversos, assim como de promover e dar visibilidade aos diferentes perfis de pessoas geradoras de conteúdos na Rede.
Podem participar todas as pessoas maiores de 14 anos com canais de YouTube e/ou TikTok autoproduzidas. No caso de concorrerem menores de idade, a inscriçom incluirá a autorizaçom da pessoa titora legal. Os canais que participem deverám ter a maioria dos vídeos em galego e cumprir com os seguintes requisitos: contar como mínimo com um vídeo subido a partir do 15 de novembro de 2023 com o cancelo #youtubeiras; nom ter restrições de privacidade; os títulos, as descrições e os subtítulos permanentes, no caso de existirem, estarám em galego e os vídeos podem contar com legendas de ativaçom opcional no YouTube para outras línguas.
7.500 euros em prémios
Os Premios Youtubeiras+ repartirám 7.500 euros, distribuídos em sete categorias. As pessoas ganhadoras nos apartados de canal de YouTube e canal de Tiktok receberám 1.250 euros cada umha, enquanto que os galardões de criaçom de conteúdos, revelaçom, qualidade linguística, rede e o prémio do público levará 1.000 euros.
Para este último galardón, o Prémio do Público, qualquer pessoa poderá apresentar sugestões a través do formulário habilitado na web youtubeiras.gal. O prazo para fazer estas propostas estará aberto também até o 15 de novembro. Ninguém poderá proponher como candidatos os seus próprios vídeos. Com todas as candidaturas recebidas criara-se um formulário de votaçom que se difundirá polas redes sociais de Youtubeiras+ e estará habilitado do 25 de novembro ao 5 de dezembro.
O jurado
O jurado dos Prémios Youtubeiras+ estará conformado por Andrea Villa, jornalista e produtora; Carlos Callón, escritor, professor e presidente de honra da Mesa pola Normalización Lingüística; Iago Gordillo, realizador audiovisual e ganhador do Premio Youtubeira 2023; Mónica Valencia, técnica de Normalización Lingüística do Concelho de Ourense, e Sara Varela, guionista, realizadora e produtora audiovisual.
