O Colegio Profissional de jornalistas da Galiza (CPXG) abre a convocatória da XXI ediçom do prémio Xornalistas de Liberdade de Prensa, que reconhece o trabalho dumha pessoa ou organizaçom destacada na defesa da liberdade de imprensa ou uma trajetória profissional destacável livre e independente.
Podem-se apresentar candidaturas ao galardóm até a quinta-feira 6 de março às 14:00 horas.
O galardóm constitui umha distinçom do jornalismo galego para jornalistas de qualquer origem.
Este certame recolhe o legado do Prémio José Couso, organizado pelo mesmo Colegio profissional e mais polo Clube de Prensa de Ferrol, logo de que no 2024 a família Couso Permuy solicitara a retirada o nome do camarógrafo ferrolám do galardón. Porém, nesta nova etapa a proposta é idéntica: premiar umha pessoa ou organizaçom que destaque pola defensa da liberdade de imprensa ou que seja, ou fosse, perseguida polo exercício do jornalismo e por proteger o direito a informar e a receber informaçom.
Qualquer membro do CPXG pode entregar umha proposta argumentada de candidato ou candidata para o Prémio. Igualmente, qualquer organizaçom ligada de forma demonstrável ao jornalismo está faculdada para fazer chegar a sua proposta. O envio de candidaturas, com argumentaçom e currículum vitae, realizara-se a través do correio eletrónico premioxornalistas@xornalistas.gal.
O envio de candidaturas, com argumentaçom e currículum vitae, realizara-se a través do correio eletrónico premioxornalistas@xornalistas.gal.
Podem ser enviadas propostas até as 14:00 horas do 6 de março, que se vam anunciar como definitivas na quinta-feira 13 de março. Entre esse dia e as 14:00 horas do 10 de abril, o jurado, composto polos colegiados e colegiadas do CPXG, poderá votar nas candidaturas a través da web do prémio. Este processo será recolhido em ata polo secretário do prémio, avalado por umha notaria e dara-se a conhecer publicamente. O Prémio Xornalistas de Liberdade de Prensa nom envolve nenhumha valor económico.
As ganhadoras e ganhadores das edições anteriores foram Nilufar Hamedi e Elahe Mohammadi (2024), Marcos Méndez (2023), Érika Reija (2022), Manuel Rico (2021), Lorenzo Milá (2020), Defende a Galega (2019), Julia Otero (2018), Xosé Hermida (2017), Miguel Ángel Aguilar (2016), Jordi Évole (2015), Ricardo García Vilanova, Javier Espinosa e Marc Marginedas (2014), Mónica García Prieto (2013), o Consello de Informativos de TVE (2012), WikiLeaks (2011), Daniel Anido e Rodolfo Irago (2010), Rosa María Calaf (2009), José Vidal-Beneyto (2008), Jon Lee Anderson (2007), Le Monde Diplomatique (2006) e Ali Lmrabet (2005).
As bases completas podem ser lidas aqui.
