PGL – A página web do futuro centro comercial Ikea da Corunhae estará apenas em galego, segundo confirmou o que será o seu director, Daniel Rivero. Curiosamente, Rivero nom é utente do galego, mas afirmou que o aprenderá, e que estas decisons som «firmes».
O catálogo da loja, porém, terá ediçom em galego e espanhol, polo que nom se trata dumha decissom transversal, mas motivada por «problemas técnicos que impedem ponher a web nas duas línguas», razom pola qual decidírom usar apenas o galego para a comunicaçom na internet, ao menos por enquanto.
Ikea, a nível geral, tem em conta o contexto lingüístico em que se insere, mas o comportamento é distinto. Assim, os portais das tendas da Catalunha aparecem em catalám, mentres que na de Barakaldo (País Basco) a web está em espanhol.
+ Ligaçons relacionadas:
- “A web local estará só em galego e eu irei a aulas para aprendê-lo” [La Opinión, 22/06/2010]
