Partilhar

A Nova Lei Audiovisual a análise na USC

O auditório da faculdade de Ciências da Comunicaçom da USC, em Santiago de Compostela, acolherá na próxima quinta-feira, 15 de setembro a partir das 9 horas, umha completa jornada de reflexom e de análise sobre a nova Lei estatal do Audiovisual.

A jornada, intitulada Perante a nova Lei do Audiovisual, contará com a intervençom de representantes das principais entidades de defesa das línguas menorizadas do Estado, que falarám do audiovisual como um setor estratégico do ponto de vista linguístico, cultural e económico e lembrarám o transcendental papel da sociedade galega ao reivindicar recentemente a sua importância com propostas como a Iniciativa Xabarín para garantir presença de galego na programaçom infantil ou a Iniciativa polo audiovisual en galego, que tentou impulsionar importantes modificaçons na Lei Geral de Comunicaçom Audiovisual.

Abrirá o programa Margarita Ledo Andión, coordenadora do Grupo de Estudos Audiovisuais. A investigadora e docente Antía López Gómez analisará a Transposiçom da diretiva europeia ao marco espanhol e o Ramón Zallo, professor e investigador da Universidade do País Vasco, fará umha interpretaçom crítica da Lei Geral de Comunicaçom Audiovisual.

Marcos Maceira Eiras, da Mesa pola Normalización Lingüística; Francesc Marco Palau, da Plataforma per la Llengua; e Paul Bilbao Sarria, de Kontseilua, debulharám os pontos nos que, finalmente, a lei nom atendeu as demandas efetuadas desde Galiza e outras naçons do Estado. Será às 12h, numha sessom sobre diversidade linguística e lei do audiovisual.

Após jantar, Uxía Caride, da Asociación Galega de Produtoras Independentes (Agapi); Lidia Fraga, da Asociación Sindical Galega de Guionistas (AGAG) e Iria Taibo, da Asociación Galega de Profissionais de Traduçom e da Interpretaçom (AGPTI), debulharám o estado geral do audiovisual na Galiza e a docente e investigadora María Soliña Barreiro fechará a jornada com um resumo das principais conclusons expostas e debatidas.

A assistência a esta atividade, que conta com financiamento da Xunta de Galiza através das ajudas à consolidaçom e estruturaçom de grupos de investigaçom, é de graça e sem necessidade de inscriçom prévia.

 

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora

Lançamento de Begonha Caamanho, uma das nossas, em Lugo

Ângelo Brea apresenta Ensinamentos de Rahotep em Bertamiráns

Efigênio Moura: “É possível amar um lugar que nos aperta”

Efigênio Moura: “O galego é como se tivesse encontrado um parente que ninguém da família tinha me apresentado”

Ângelo Brea: “O amor pela família, o cuidado dos filhos ou as exigências de uma vida com grandes responsabilidades atravessam os milénios”

Burela, romance do escritor brasileiro Efigénio Moura, disponível em pré-venda na loja online da Através Editora