PGL – A Junta de Castela e Leom tenciona que todas as instituiçons se impliquem e partilhem responsabilidades no acordo de colaboraçom entre a Junta de Castela e Leom e a Junta da Galiza em matéria lingüística para o Berzo.
O delegado da Junta castelhana, o berziano Eduardo Fernández, reconheceu a surpresa da administraçom perante o número de alunos matriculados em língua galega como idioma optativo, principalmente nos centros do Berzo Oeste e na Escola Oficial de Idiomas de Ponferrada, ainda que o número de matriculados para este curso será público em Outubro. É por isto que, na promoçom do ensino do galego, a administraçom tenciona implicar o Conselho Comarcal mercê à articulaçom na futura Lei do Berzo de todo o relativo à promoçom da língua da Galiza.
Na mesma linha do anterior, Fernández declarou que «o galego tem presença no Estatuto, polo que também deve plasmar-se a nível legal na Lei da Comarca do Berzo para que nom seja um compromisso só da Junta de Castela e Leom, senóm compartido socialmente», e acrescentou que «a colaboraçom entre a Junta da Galiza e a Junta de Castela e Leom está chamada a se prolongar durante muito tempo».
