Concertos, festas, regueifas, obradoiros e concursos som o centro de umha atividade que este ano acada a sua vigésimo quarta ediçom.
Correlingua voltará encher de reivindicaçom e festa o mês de maio, protagonizado por estudantado de diferentes centros públicos da Galiza. Este ano, em que decorre a ediçom número 24, a iniciativa correlingua desenvolvera-se em onze localidades protagonizada por milhares de estudantes dos centros da sua contorna.
Todas as atividades que convertirám o próximo mês de maio em umha festa das escolas na Galiza foram apresentadas há umhas semanas no Concelho de Santiago ponhendo especial fincapé na importáncia de trabalhar com a gente nova para garantir a partir da festa e a celebraçom o futuro da lingua.
Na apresentaçom pública participarom representantes das entidades organizadoras, Goretti Sanmartín, alcaldesa de Santiago, Anxo Terán, presidente da AC Correlingua, Celia Armas, secretaria da Mesa pola Normalización Linguística, Xerardo Rodríguez Roca, da AS-PG, e Suso Bermello, secretario nacional da CIG-Ensino. Entre as entidades colaboradoras figuram as deputaçons da Corunha, Lugo, Ourense e Ponte Vedra, e os concelhos da Corunha, Lugo, Ourense, Ponte Vedra, Ferrol, Vigo e Santiago de Compostela. Goretti Sanmartín, alcaldesa de Santiago, explicou na apresentaçom de Correlingua a importáncia de eventos que chamem pola juventude e pola rapaziada para reivindicarem o uso do galego, e que o fagam de maneira “festiva, sem prejuízos e desfrutando de todo o que tem para oferecer o nosso idioma e a nossa cultura”. Os representantes das três entidades organizadoras, CIG-Ensino, A Mesa pola Normalización Lingüística e a AS_PG, assinalarom a importáncia dum encontro que no próximo ano fai um quarto de século reivindicando o direito ao uso da língua própria entre as geraçons mais novas. Umha festa na que está envolvida toda a comunidade educativa e a as localidades nas que decorre. Para Suso Bermello, “Correlingua é muito máis que umha carreira, é umha festa e também é umha reivindicaçom do direito das pessoas a viverem no seu idioma”. O secretario nacional da CIG-Ensino assinalou que em 2000, quando começou a se celebrar Correlingua “a situaçom do galego no ensino e na sociedade era dum devalo claro”. Bermello recapitulou a situaçom da língua desde entom, destacando por um lado o esforço para todas as instituiçons que facilitam o seu desenvolvimento, mas chama a atençom em que a instituiçom que tem todas as competências, a Conselharia de Educaçom, nom participe”. Celia Armas, vicepresidenta da Mesa pola Normalización Lingüística, explicou as dimensons do Correlingua para este ano, apuntou as datas das festas e acrescentando que “todas as iniciativas que promove o Correlingua nos centros suponhem na prática que o “Correlingua esteja em marcha todo o ano escolar”. Também destacou o feito de que Correlingua cumpra 24 anos o que a converte “em umha das principais referências na defesa da língua”. O presidente da asociaçom Correlingua, Anxo Terán, destacou a importáncia de todas as atividades que o evento realiza nos centros, os obradoiros os concursos, os encontros com autoras, atividades que mobilizam aos centros e que também mobilizam setores da cultura do país como o musical.
Terám também deu a conhecer as bandas e solistas ganhadoras da convocatoria do Correlingua deste ano, que serám as encargadas de animar as festas nas onze localidades que este ano visitará o Correlingua.
- 1º A Gramola Gominola com a cançom ‘Superlingua’
- 2º Cuarta Xusta com a cançom ‘Presumo de galego’
- 3º Mekánika Rolling Band com a cançom ‘Miña nai’
- 4º Paco Nogueiras com a cançom ‘Festa!’ / Pauliña com ‘Pauliña sen faser nada’
CALENDÁRIO DE CORRIDAS E FESTAS DO CORRELINGUA 2024
Maio
- sexta-feira 3 A Corunha ao pé da Torre de Hércules
- segunda-feira 6 Naróm no Auditório Municipal
- terça-feira 7 Bueu na Praça de Massó
- quarta-feira 8 Lugo na Praça de Sta María
- quarta-feira 15 Ourense no Auditório e na Praza Maior
- segunda-feira 20 Compostela na Alameda
- terça-feira 21 A Estrada na Praça da Feira
- quinta-feira 23 Vigo no Parque de Castrelos
- sexta-feira 24 Monforte na Praça dos Condes
- segunda-feira 27 Ponte Vedra na Alameda
- quarta-feira 29 Burela na Praça da Marinha
Outras actividades do Correlingua 2024
Regueifando! Desenvolvera-se umha grande regueifa coletiva.A partir de um vídeo tutorial, as crianças criam e gravam 3 coplas na aula, que som enviadas para o seguinte centro para desenvolver a continuaçom. Ao final edita-se um vídeo com todas as regueifas dos grupos participantes. Na ediçom de 2023 participarom 20 grupos de outros tantos centros de ensino de toda a Galiza. Desde janeiro passado está em a se desenvolver em diversos centros da Galiza com alunado criando coplas para Regueifando!Desata a linguaObradoiros de escrita criativa impartidos por escritoras em aulas de 1º e 2º da ESO.Há já duas ediçons que se comezou com estes obradoiros com a intençom de elaborar um manifesto coletivo. O manifesto desta ediçom é o resultado desse trabalho feito nos centros no último trimestre do 2022. Os ateliês que se desenvolvem no último trimestre de 2024 darám como resultado o manifesto do Correlingua 2025.CONCURSOSCrealingua:Concurso livre de criaçom artística em galego.O Crealingua é umha janela aberta ao idioma, que pode ser desenvolvido em forma de Banda Desenhada, Tik Tok, vídeo, blogue e toda aquela produçom feita polas alunas e alunos.Cantalingua.O Cantalingua é um dos concursos musicais em galego mais veteranos e com mais participaçom na Galiza. Este ano enviarom a sua proposta de música inédita e em galego um total de 29 bandas e solistas que podem escuitar-se na seguinte ligaçom:https://correlingua.gal/cantalingua/cantalingua-2024/Um jurado escolheu as melhores músicas entre as 29 apresentadas este ano e o resultado da convocatória é:1º A Gramola Gominola com ‘Superlingua’2º Cuarta Xusta com ‘Presumo de galego’3º Mekánika Rolling Band com ‘Miña nai’No 4º lugar ficaram em empate Paco Nogueiras com ‘Festa!’ e Pauliña com ‘Pauliña sen faser nada’Como é habitual nas convocatórias de Cantalingua, as bandas ganhadoras serám as que atuem nas 11 Festas do Correlingua 2024 durante o mês de maio, repartidas por centros de toda Galiza.
Manifesto Correlingua 2024DE AQUI ATÉ ACOLÁ, GALEGO JÁ!Esta é umha mensagem para as famílias, as instituiçons, os meios, as mestras e os mestres, as raparigas e os rapazes como nós: Queremos berrar bem alto que nom nos apetece, nom nos presta e nom nos peta que a nossa lingua esmoreça. Por isso vos dizemos:De aquí até acolá, galego já!Cuidar umha língua é como cuidar umha árvore. É sintoma de inteligência, respeito eresponsabilidade. Apreçar o galego e interessar-se por ele só nos liga com cousas boas.Por isso dizemos bem alto:De aquí até acolá, galego já!Que a nossa língua viva nas ruas, nas casas, em todas as cidades e vilas onde habita gente curiosa e inteligente. Que passeie sem vergonha polas rádios, televisons, redes, cinemas, livros! Porque o galego está em todos esses lugares e nom sempre somos conscientes do poderoso da sua presença. Nom é umha língua nem morta nem atrassada. É umha língua criativa e valiosa. Deixemos de nos preocuparmos polo galego e ocupémo-nos dele.De aquí até acolá, galego xa!Démos-llh visibilidade à nossa língua, transmitamos o grande que é, ensinemos os sítios onde se fala e se fai moderna, excelente, valiosa. Seguíde-a. Dáde-llh a “gosto” e fazéde-a medrar. Nom sempre nos decatamos de que temos um idioma que nos pertence e fala de nós, da nossa cultura e território. Do nosso legado mas também do nosso presente.Por um galego falado, polo direito a o falar sem medo,polo direito a que seja respeitado. Porque exista em todas as circunstáncias sem vergonha.Por um galego de hoje e para amanhá:De aqui até acolá, galego já!Porque falá-lo é conservá-lo. E transportá-lo ao futuro. Fai-nos melhores. Fai-nos pessoas respectuosas e atentas. Porque nós, e ti também, temos o poder de levar o galego de aquí até acolá.Galego já!Este manifesto é o resultado dos obradoiros Desata a língua desenvolvidos em 2023 e nos que participarom alunas e alunos do IES de Foz (Foz), IES Santa Irene (Vigo), IES Xunqueira 1 (Ponte Vedra) , IES Isidro Parga Pondal (Carvalho), IES Xoán Montes (Lugo), CPI O Cruce (Cerzeda), IES de Becerreá (Bezerreá), IES Muralla Romana (Lugo). Os obradoiros forom impartidos polas escritoras María Lado, Ana Carreira e Lucía Aldao.
