PGL – Esta quinta-feira, 7 de abril, às 20 horas, o centro social O Pichel (Santa Clara 21, Compostela) organiza dentro dos ciclos de debate Galiza Cria umha charla na qual se intercambiarám diferentes pontos de vista sobre a situaçom da banda desenhada galega.
Serám quatro pessoas relacionadas com este ámbito as encarregadas de analisar e refletir, entre outras questons, acerca da situaçom atual e os esforços para criar e melhorar este género, as dificuldades com a língua ou as ajudas económicas que recebem para as suas criaçons. Trata-se de Kiko da Silva, presidente de BD Banda e diretor de Retranca e da nova revista infantil Fiz; Hugo Covelo, membro de Polaqia; Germám Ermida, redator especializado em BD em Culturagalega.org e Mariano Casas, desenhador e ganhador do prémio Castelao de BD em 2008.
Este colóquio fai parte de umha série de ciclos de debate organizados pola Comissom de Cultura da associaçom cultural A Gentalha do Pichel. Em anteriores ediçons o debate centrou-se na música galega, as artes cénicas, o cinema e a literatura, sempre focadas na situaçom em que estas produçons se encontram na Galiza, e olhadas desde diferentes pontos de vista.
