Cada 7 de fevereiro Galiza celebra o Dia dos Meios em Galego. Umha data que lembra a saída da primeira publicaçom jornalística realizada integralmente na nossa língua. Lá por 1876, Valentín Lamas Carvajal editava em Ourense O Tío Marcos d’A Portela.
A jornada festiva, com duas das referências mais relevantes no panorama musical galego, será na quinta-feira, 9 de fevereiro, a partir das 20:30h na Sala Capitol de Copostela, onde decorrerá um minifestival de música galega contemporânea com os concertos de Grande Amore e Ortiga. Esta atividade é organizada em colaboraçom com a Secretaria Geral de Política Linguística e o Concelho de Santiago.
O evento será de balde (cumpre tirar invitaçom em www.salacapitol.com e em www.ataquilla.com) até esgotar lotaçom.
Em 2023, somos mais de 130 meios de comunicaçom da Galiza os que utilizamos a nossa língua como veículo, como ferramenta, como objetivo em si próprio. 130 meios polos que em cada conferência de imprensa, em cada boletim informativo, em cada notícia, reportagem, entrevista, infografia… a língua e a olhada galega estám presentes. Nas ondas, na rede e no papel. 130 meios que dignificamos, fazendo mais útil, a nossa língua.
