PGL – O Concelho de Mondonhedo com o patrocínio da Área de Cultura da Deputaçom Provincial de Lugo, com o intuito de estimular a criaçom poética entre os jovens, convoca o XI Prémio de Poesia Díaz Jácome para novos criadores.
Oferecemos a seguir as bases do prémio:
Primeira:
Poderám optar ao prémio todas as pessoas, de idade nom superior a trinta anos, seja qual for a sua nacionalidade.
Segunda:
Os poemas serám originais e inéditos, escritos em galego e nom premiados noutros concursos em data anterior. O incumprimento dalgumha destas condiçons nas obras premiadas significaria a anulaçom das adjudicaçons, procedendo o Júri a formular de novo as propostas de adjudicaçom ou declarando deserto o prémio.
Terceira:
As composiçons terám unha extensom máxima de 150 versos, o tema e o metro queda a eleiçom do compositor.
Quarta:
Deberám ser apresentados três originais em formato DIN A4 mecanografados e com entrelinhado duplo.
Quinta:
Os originais nom poderám ir assinados nem levarám inscriçom algumha que pudesse sugerir o nome do autor, sendo apresentados com lema e título.
Em envelope aparte e fechado, constará o lema e o título no exterior, e no interior o nome e apelidos do autor, domicílio, telefone, lugar de residência, declaraçom formal de que a obra é inédita, fotocopia do BI polas duas caras e também umha breve nota biográfica do autor e o título do poema.
O Júri poderá eliminar por defeito de forma as obras apresentadas que nom se ajustem ao disposto nesta base.
Sexta:
O período de admissom de originais termina no dia 1 de Julho do ano 2010. As obras deberám ser enviadas para o endereço:
– Câmara municipal de Mondonhedo
– Praza do Concelho, 1
– 27740 Mondonhedo (Lugo)
Com a indicaçom: XI Prémio de poesia Díaz Jácome para novos criadores.
Sétima:
O Júri, que estará composto por três pessoas de reconhecido prestigio no ámbito literário, emitirá a sua decisom em Setembro de 2010.
Esta decisom será dada a conhecer nos distintos mídia e a mesma será comunicada aos autores seleccionados mediante correio certificado.
A entrega do premio terá lugar num acto público organizado pola câmara municipal de Mondonhedo no mes de Outubro.
O prémio poderá ser declarado deserto.
Oitava:
O concurso consta de três prémios:
Primeiro premio: 1.500 Euros, Placa e Diploma.
Segundo premio: 600 Euros, Placa e Diploma.
Terceiro premio: 300 Euros, Placa e Diploma.
Nona:
Os originais que obtiverem prémio passarám a integrar os fundos do património da Biblioteca Pública Municipal Pena Trapero de Mondonhedo, podendo ser editadas pola mesma ou polo Concelho de Mondonhedo, sem necessidade da permissom do autor ou autores, ainda que sempre se terá em conta que nunca perderá os seus direitos.
Décima:
O montante do prémio será íntegro e, portanto, sujeito a retençons na conta, derivadas da aplicaçom do imposto sobre a renda das pessoas físicas.
Undécima:
As obras nom premiadas serám destruídas junto com as plicas, nom sendo admitidas as petiçons de devoluçom.
Duodécima:
A decisom do Júri é inapelável, os concursantes aceitam integramente estas bases assim como as decisons adoptadas pola Câmara de Mondonhedo para que as mesmas podam ser interpretadas e aplicadas.
