PGL – Tíralle da lingua (Tira-lhe da língua) é um projecto da AS-PG, dirigido ao alunado e professorado de todo o País, com os intuitos de normalizar o uso oral da nossa língua, de tornar o idioma num instrumento de comunicaçom normal de criaçom e recriaçom de historias etc.
Bases do concurso
1ª As histórias poderám ser de base popular, de base literária ou criaçom própria.2ª As histórias deverám ser contadas em galego.
3ª Nas histórias será valorizada a qualidade lingüística e o seu carácter construtivo e pedagógico (linguagem nom discriminatória, linguagem nom sexista…
4ª Os/as participantes concursarám individualmente ou em grupo, mas sempre respeitando o tempo máximo por actuaçom que será de 5 minutos. A superaçom desse tempo pode implicar a desqualificaçom. Poderám participar com um máximo de umha historia.
5ª O concurso vai destinado a três níveis académicos.
- Primário.
- 1º Ciclo do ESO.
- 2º Ciclo do ESO e ensino post-obrigatório.
6ª O concurso será feito em duas fases com carácter selectivo:
- A nível centro de ensino.
- A nível nacional.
7ª Na primeira fase será o próprio centro o qo que determinar e o que se responsabilizar dos possíveis prémios para os concorrentes. O número de concorrentes que pasarám da primeira á segunda fase será determinado em funçom da participaçom, o que será comunicado aos centros.
8ª A formalizaçom da inscriçom no concurso por parte dos centros será realizada antes do dia 16 de Abril enviando um co-e para: informacion[arroba]as-pg.com, no prazo de três dias receberám confirmaçom da inscriçom e dos dados que devem completar.
9ª A fase final decorrerá no dia 28 de Abril em Santiago de Compostela, no Teatro Principal, em dous grupos diferentes: um para o primário e primeiro ciclo do secundário e outro para o segundo ciclo do secundário e ensino post-obrigatório.
10ª Na fase final será outorgado um primeiro prémio por nível com um valor de 250 euros e um segundo, se o júri assim o considerar, por valor de 150 euros. Os centros de ensino dos participantes ganhadores receberám um prémio do mesmo montante.
11ª O júri estará composto por três pessoas alheias aos centros participantes com experiência nestas actividades, e agirá de secretário/a um representante de Asociación Socio-Pedagóxica Galega (AS-PG).
12ª O júri emitirá o ditame o mesmo dia da realizaçom do concurso.
13ª A participaçom no concurso implica a aceitaçom íntegra das presentes bases.
