PGL – Bieito Lobeira, porta-voz em matéria de Língua do BNG na Câmara galega, realizará um reconto no Parlamento das medidas «absolutamente agressivas» da Junta do PP contra o galego. Entre elas, a publicaçom de páginas web com apoio oficial só em espanhol.
Assim, denuncia que a língua galega esteja totalmente ausente em sítios web como Encamínate, mesmo apesar de que as Administraçons públicas do País -colaboradoras do projecto- tenhem a obriga legal de fomentar o uso do nosso idioma.
Outro caso similar é o de Gastronomía de Galicia. O portal foi apresentado no CGAC polo conselheiro da Cultura, Roberto Varela, no passado mês de novembro. Porém, o sitio continua só em espanhol mais de três meses depois. Esta última empresa é propriedade da madrilena Professional Job S.L., e ainda que a Junta escusara a ausência do galego polo facto de se tratar de umha iniciativa da Real Academia Española de Gastronomía, academia presidida polo empresário e ex-alto cargo do franquismo Rafael Ansón Oliart, irmao do jornalista Luís María Ansón, presidente do Grupo Interconomía.
+ Ligaçons relacionadas:
- Jacobeu e concelhos promovem umha web só em castelhano [PGL, 11/02/2010]
