PGL – O presidente da AGAL, Valentim R. Fagim, e o economista Joám Lopes Facal, respondem na revista Tempos Novos as afirmaçons realizadas polo presidente da RAG numha entrevista recolhida no número anterior dessa publicaçom.
Daquela, Xosé Luís Méndez Ferrín referia-se às pessoas reintegracionistas em termos bastante despectivos, infravalorizando a releváncia do reintegracionismo e chegando a comparar o movimento com colectivos como Galicia Bilingüe.
Tempos Novos: As maiores reticencias cara a Ferrín veñen dos que defenden un acordo ortográfico co portugués. Vostede expresa acotío que sería un forzamento da realidade e que a nosa querenza non é recíproca. Que facemos co tema? Actuar coma se non existise? Pedirlles que se disolvan?
X. L. Méndez Ferrín: O mesmo que con Galicia Bilingüe. É xente que está en contra do idioma. Que fagan o que queiran. Teñen a rúa, os foros sociais, os medios de comunicación, os sindicatos. Que vaian predicar á porta de Citroën.
TN: Parte dos sectores soberanistas optan por esa vía. Se Ferrín tivese 20 anos, probabelmente seriía reintegracionista.
MF: Se son soberanistas, é curioso. Queren a soberanía de Galicia, pero non a do idioma galego.
TN: O que defenden tampouco é o klingon de Star Trek. Igual que se defenden dereitos políticos históricos… Cabe sentarse a falar, ou “nin auga”?
MF: Eu vivo no mundo obreiro e cultural organizado: na RAG, na Trabe de Ouro. E onde eu vivo non existe iso. Terei que facer algunha excursión para coñecelo.
TN: Editan medios, e na rede vese…
MF: O bonito da erde é que non hai xerarquías, é un universo con poucos nomes propios e onde un pode facer de vinte.
Esta equiparaçom com Galicia Bilingüe é deostada por Facal e Fagim, que nos seus respectivos artigos respondem ao presidente da Real Academia Galega. Podem ler as duas respostas no ficheiro PDF anexo, e a do presidente da AGAL nesta ligaçom.
Ambos consideram pouco responsáveis as declaraçons de Ferrín, especialmente polo que contenhem de divisom e de desprezo de outras maneiras de dignificar a língua.
+ Ligaçom relacionada:
- As claves da polémica [PDF]
