PGL – Amanhá, terça-feira dia 13 de Abril, o ex secretário-geral de Relaçons Institucionais da Vice-presidência da Junta de Galiza, Joám Antom Pérez-Lema, falará dentro do ciclo, Economia, História e Ciências Sociais organizado pola AC O Facho.
Joám Antom Pérez-Lema é Licenciado em Direito e Letrado Assessor de Empresas (UPC-ICADE). Cursou estudos de doutoramento de Santiago de Compostela. Advogado em exercício desde o ano 1989, foi professor de Sistema Político Galego na Universidade de Vigo e de Direito Administrativo na Escola de Prática Jurídica do Colégio de Advogados da Corunha e professor da EGAP a funcionários de entidades locais.
Ainda, foi chefe do Gabinete da Conselharia da Presidência e Administraçom Pública da Junta entre Outubro do 1987 e Fevereiro do 1990 e também relator da área da Administraçom de Justiça no Foro “Novo Estatuto” promovido polo BNG (2004-05).
Ademais, Pérez-Lema é autor de variados trabalhos jornalísticos e jurídicos (entre estes os últimos sobre Procedimento Administrativo nas Corporaçons Locais, estudo comparado da regulaçom da justiça nos últimos Estatutos e projectos de Estatutos autonómicos e sobre a organizaçom territorial da Galiza).
Dia: 13 de Abril do 2010
Hora: 20h00
Local: Fundaçom Caixa Galicia – nos Cantons, Corunha
+ Ligaçons relacionadas:
