PGL – O colectivo cultural Fala Ceibe do Berço demanda o reconhecimento da língua galega na futura reforma da Lei da Comarca e reivindica a criaçom de um novo artigo no que seja referenciada expressamente a língua galega.
Nesta linha, entre as propostas do colectivo encontra-se a de que o galego seja considerado como idioma próprio do Berço ocidental, assim como a necessidade de que o Conselho Comarcal «fomente a utilizaçom institucional do galego mediante serviços de informaçom bilingües».
Ademais, Fala Ceibe propom que o serviço lingüístico no Berço «apoie o uso do galego nas cámaras municipais e nas juntas de vizinhos, e estimule a sua utilizaçom por parte da cidadania». Outra das propostas do colectivo é que a denominaçom dos municípios do Berço ocidental seja também em galego, já que consideram que «estas denominaçons bilingües nom alteram a actual oficialidade da língua castelhana».
Finalmente do colectivo destacam a necessidade de «regularizar as relaçons administrativas com instituiçons da Galiza par executar programas de normalizaçom lingüística e cultural».
