PGL – Três universidades do Norte de Portugal e três da Galiza assinárom um acordo de cooperaçom académica, científica e cultural para promover a mobilidade universitária. O acordo, intitulado ‘Programa de Mobilidade Euro Regional’, visa o intercâmbio de docentes e estudantes de pós-graduaçom.
A iniciativa é promovida pola Fundaçom do Centro de Estudos Euro Regionais (CEER), com sede em Braga, e que abarca as universidades do Minho, Trás-os-Montes e Alto Douro e ainda o Porto, de Portugal, e as galegas de Vigo, Corunha e Santiago de Compostela.
O ‘Programa de Mobilidade Euro Regional’, que quer estreitar a cooperaçom entre as seis universidades, assume «um carácter dinamizador e inovador no âmbito do estudo académico ao nível da pós-graduaçom. Este protocolo surge na sequência de iniciativas da Fundaçom, visando aprofundar a relaçom entre as seis universidades. É um protocolo de cariz académico porque permite agilizar os processos de mobilidade, quer de estudantes, quer de docentes ao nível da pós-graduaçom, numha relaçom mais ágil do que o habitual», afirmou o Reitor da Universidade do Minho, António Cunha.
