PGL – A Rua Ricardo Carvalho Calero de Compostela é umha das primeiras da Galiza em sair no Google Street View, um recurso do Google Maps e do Google Earth que disponibiliza vistas panorâmicas de 360° na horizontal e 290° na vertical.
A aplicaçom, que permite que os usuários vejam partes de algumhas regiões do mundo ao nível do chao, começou a implementar-se já em várias cidades do país como a Corunha, Vigo, Santiago, Lugo, Ponte Vedra ou Ferrol; vilas como Vilalva, as Pontes, Viveiro, Riba d’Eu, Ribeira, Guitiriz, Minho, Ponte d’Eume ou Carinho e algumhas das estradas que cobrem a nossa geografia, como a AP-9 ou a A-6.
A zona sul da Galiza é, por enquanto, a que menor presença tem, mas segundo afirmam os gestores da aplicaçom do Google, isto deve-se a que está a ser subida em várias fases.
Imagem da Rua de R. Carvalho Calero
