PGL – O clube de leitura da biblioteca Anna Politkovskaya organiza um roteiro literário sobre a obra Scórpio, de Ricardo Carvalho Calero, com saída do Centro Social ‘O Pichel’ este sábado às 17h30. Já às 20h, da Rua de Jerusalém sai o roteiro urbano sob a legenda As mentiras do apóstolo.
O roteiro literário estará dirigido polo professor Ernesto Vázquez Souza, especialista na obra Scórpio. Por sua parte, o urbano é umha iniciativa da Gentalha do Pichel para dar a conhecer, «de umha perspectiva crítica e humorística», aqueles aspectos mais chocantes do «mito jacobeu».
A mecánica do roteiro urbano, como também do literário, consistirá numha visita guiada por diferentes espaços urbanos da zona histórica compostelana ligados dumha ou outra forma com as lendas e tradiçons do apóstolo. Assim, a partida será da Rua de Jerusalém, escolhida por ser na cidade homónima onde foi martirizado Santiago ‘O Maior’.
O roteiro passará por outros lugares como Sam Fiz de Solóvio, onde supostamente residia o eremita que descobriu o sartego jacobeu, ou a capela da Rua do Franco, que marca o lugar onde a tradiçom indica que parou o carro que trasladava o corpo do santo umha vez desembarcado em Padrom.
Para participar da actividade tam só haverá que estar a tempo ao lugar de partida nom sendo precisa a inscriçom prévia. O roteiro insere-se dentro da programaçom das Festas Populares 2010, umha inciativa promovida por diferentes associaçons de Compostela com o intuito de construir um modelo de festejos democrático e participativo e que se desenvolve por vez primeira neste ano.
+ Ligaçons relacionadas:
- Programa das Festas populares 2010 [PGL, 29/04/2010]
- Blogue da Gentalha do Pichel
