PGL – O Centro Social Atreu, da Corunha, organiza umhas jornadas sobre a proliferaçom de dados na infosfera (portais contra-informativos, Redes Sociais…) intituladas: Reflexons em código aberto: Jornadas Contra-informativas 2.0. As jornadas terám lugar entre os dias 5 e 6 de Janeiro no Centro Social Atreu, sito na Travessa de Sam José, 2 rés-do-chao (A Corunha).
Informaçom do evento:
Partamos de umha realidade hoje em dia tam quotidiana como incontrolável. A proliferaçom de datos na infosfera (portais contra-informativos, Redes Sociais,…) é hoje um tsunami que está a atravessar a internet, a rede e portanto, as formas comunicativas de grande parte das sociedades globais.
Recapitulemos entom; o nascimento da web activa, do formato web 2.0 abriu umha fenda profunda, umha linha de fuga proposta e feita praxe desde longe do poder, que ajudou ao empoderamento de subjectividades críticas que incidiam num uso cooperativo e livre das tecnologias da comunicaçom e da Rede de redes.
Porem, um inicial uso multitudinário e incontrolável da web 2.0 deu passo também a espaços de captura inicialmente capilar, actualmente massiva, nos que os sistemas hegemónicos (governos, redes mercantis,…) empregárom e empregam a cooperaçom do colectivo como ferramenta para o controlo e para a geraçom de recursos em chave de privada mais-valia.
Ainda assim, o carácter do web 2.0 segue a ponher em crise o governo hegemónico da rede.
Voltando a realidade actual, entendemos que a maré de blogues, portais e espaços contra-informativos e comunicativos conscientes em Redes Sociais som , e fundamentalmente, vam ser o elemento central na estratégia comunicativa dum futuro cada vez mais presente.
A nossa intuiçom é já elemento da vida comum: milhons de indivíduos empregam quotidianamente os múltiplos portais de auto-publicaçom e Redes Sociais existentes, e muitxs de estes usuarixs, entregam-se à construçom colectiva de novas Redes mais autónomas, rebeldes e tecnologicamente emancipadas da hegemonia do software privativo.
No ámbito concreto das redes sociais Facebook, Twenti, Twitter começam a ter à frente propostas que da sociedade crítica, dos movimentos sociais, ponhem em andamento diversas experiências de rede social mais úteis, colectivas, tecnologicamente sustentáveis e alternativas (N-1, Crabgrass, ou no caso galego, exemplos como Cabozo, Chuza, Sementeira,..).
Queremos debater entom sobre este fenómeno comunicativo (e portanto, político, relacional, afectivo, emotivo), ponher em claro propostas e apostas, lançar perguntas e transitar possíveis soluçons perante a MetaRede que, entre cada um dos nossos terminais, está a se componher e recomponher.
Programa do evento:
Sexta-feira dia 5
- 20h30: Jornada contra-informativa: Ouviremos e analisaremos em comum o estado actual da contrainfomaçom na infosfera do País, as possibilidades e o futuro dos espaços telemáticos em chave social. (Vieiros, Galiza livre, Altermundo, Indymedia, Olholivre,…)
Sábado dia 6
- 12h00: Assembleia aberta Indymedia Galiza
- 18h00: Jornada Redes Sociais, web 2.0: Analisaremos colectivamente o uso das ferramentas que favorecem a interacçom entre as comunidades e pessoas na infosfera crítica galega (Chuza!, Blogaliza, Altermundo, Ergosfera, Universidade Invisível, Sementeira, Indymedia, Saramaganta, CCSS, Trebelab, Hacktreu, Causaencantada,…)
- 22h00 Cea/fim de festa (vegeta+vegana)
Ajuda económica para o CS Atreu
Do CS Atreu apelam à solidariedade do povo galego para manter aberto este importante espaço do movimento associativo corunhês. Diferentes dificuldades, entre elas a herança de um crédito bancário, fizérom com que a situaçom económica «esteja permanentemente ameaçada», em especial desde o Verao. Ante esta situaçom pugérom à venda bonos de ajuda de 25, 50 e 100 euros, além de disponibilizarem umha conta solidária a nome da Associaçom Cultural Atreu com número 0030 6042 66 0000052272 (Banesto).
Do CS Atreu salientam que a necessidade de ajuda é «muito urgente» e pedem desculpas por terem de recorrer a um chamamento público de ajuda, mas a dura situaçom obrigou a essa decisom.
+ Ligaçons relacionadas:
- Ajuda económica para o CS Atreu [PGL, 16/11/2009]
- Blogue do CS Atreu
- Festival da Língua Galega em Monte Alto [PGL, 15/09/2009]
- Paremos a repressom contra o movimento associativo corunhês [PGL, 19/12/2008]
- CS Faísca e CS Atreu de celebrações [Velho PGL, 08/11/2007]
