Chega, de mão de Laiovento, às livrarias ‘Recordes dos Seres Vivos. Anaos e Gigantes, das Bactérias aos Vertebrados’, de Klaus Richarz e Bruno P. Kremer, ensaio de divulgação científica; traduzido do alemão por Carlos Garrido.
Recordes dos Seres Vivos, de Klaus Richarz e Bruno P. Kremer, será apresentada nos vindouros dias em Vigo, introduzido por Jorge Rodrigues Gomes, na livraria Andel, em 8 de novembro, a partir das 20h00, e em Ourense, introduzido por Vítor Lourenço Peres, na livraria Espaço Leitor Nobel, em 30 de novembro, a partir das 19h30.
Carlos Garrido Rodrigues (Ourense, 1967)
Doutor em Biologia pela Universidade de Santiago de Compostela e licenciado em Tradução e Interpretação pela U. De Vigo. Lexicógrafo e professor titular da última, é tradutor científico especializado e autor, entre outras obras, de Dicionário terminológico quadrilíngue de zoologia dos invertebrados (1997), Manual de galego científico (2000, 2011), Aspectos teóricos e práticos da traduçom científico-técnica (inglês–galego) (2001), Ferramentas para a traduçom (2004) e Léxico galego: degradaçom e regeneraçom (2011), A Traduçom do Ensino e Divulgaçom da Ciência, 2016, Servizo de Publicacións da Universidade de Vigo.
Membro da Comissom Lingüística da Associaçom Galega da Língua entre 2000 e 2015; a partir de 2016 e fora dela, é promotor da Associaçom de Estudos Galegos (AEG) onde integra a Comissom Lingüística da AEG, à qual atualmente preside.