PGL – A plataforma Queremos Galego mantivo ontem um encontro com Simone Klinge, do secretariado do Conselho da Europa para a Carta europeia das línguas regionais ou menorizadas.
No encontro, Carlos Callón, entregou à representante europeia um breve informe no que se indicam os principais incumprimentos por parte do actual governo da Junta da Galiza do referido tratado internacional, assinado polo Estado espanhol e ratificado polas Cortes em 2001, sendo presidente do governo José María Aznar e tendo o Partido Popular maioria absoluta em ambas as cámaras.
No informe achegado, que será completado com outro mais extenso num futuro próximo, destaca-se a «mais que preocupante situaçom de desproteçom» na que ficaria o galego no ámbito do ensino, no caso de ser aprovado o formulado nas chamadas Bases para a elaboraçom de um decreto de plurilingüismo apresentadas no passado 30 de Dezembro polo próprio Presidente da Junta, Alberto Núñez Feijóo. Unhas bases que, segundo explicam da plataforma, vam contra dos compromissos estabelecidos na Carta europeia.
