PGL – Carlos Garrido, lexicógrafo e actual presidente da Comissom Lingüística da AGAL foi entrevistado polo Diário Liberdade para falar sobre a comissom de língua da Associaçom Galega da Língua, o Acordo ortográfico e diversas questons relacionadas com a língua galega.
Garrido, que substituiu na presidência ao catedrático de Língua e Literatura Galega e Portuguesa José Luís Rodrigues, fala na entrevista sobre o caminho que o nosso idioma deve apanhar em direcçom ao ámbito lusófono defendendo a vigência da normativa da AGAL definindo-a como «nom rupturista», mas «adiantada aos tempos».
«Umha unificaçom plena nom pode ser atingida nem provavelmente desejável, porque a identidade também é um factor ou umha riqueza a ter em conta», aponta.
A respeito da situaçom actual da nossa língua na Galiza, Garrido aponta para duas chaves, a primeira: a desgaleguizaçom entre as geraçons é enorme; por outro lado, a incorporaçom de neofalantes à língua é realmente reduzida. Entre outras questons, Garrido fala da necessidade de incorporar o Português nos liceus e do grau de deficiência dos meios de comunicaçom na Galiza.
A entrevista pode ser lida na íntegra nesta ligaçom
Carlos Garrido
Carlos Garrido, natural de Ourense e de 42 anos de idade, é estudioso da língua especializada, lexicógrafo e tradutor científico, autor de vários livros (como o Dicionário Terminológico Quadrilíngüe de Zoologia dos Invertebrados e o Manual de Galego Científico) e professor titular de traduçom de textos científicos e técnicos na Universidade de Vigo.
+ Ligaçons relacionadas:
- Comissom Lingüística da AGAL inicia nova etapa sob a presidência do professor Carlos Garrido [PGL, 29/09/2010]
- Galiza e o Acordo Ortográfico, no Diário Liberdade [PGL, 29/09/2010]
- Diário Liberdade: novo espaço anticapitalista da Galiza e os países lusófonos disponibilizado na rede [PGL, 08/02/2010]
- Apresentaçom do portal anticapitalista da Galiza e os países lusófonos: Diário Liberdade [PGL, 18/01/2010]
