PGL – No dia de hoje, 31 de Março, a Assembleia da Mocidade pola Língua de Compostela instalou às 17h30 um ponto de informaçom na compostelana Praça Vermelha (Praza Roxa). Nele, distribuiu-se material editado polos moços e moças da assembleia.
Em concreto, fôrom distribuídos uns FAQs (Frequently Asked Questions) sobre o problema linguístico na Galiza, e brochuras que recolhiam vários sites web onde conseguir recursos de todo tipo para poder levar umha vida em galego (música, cinema, literatura…), pretendendo fazer umha campanha em positivo.
Nas vindouras semanas da Assembleia informam que continuarám com o trabalho por liceus de Compostela e comarca, instalando mais pontos de informaçom e projectando documentários sobre a língua.
