Na fanpage da AGAL e o PGL no Facebook sorteárom-se já os bilhetes para assitir de graça à segunda peça do ciclo de teatro lusófono que entre janeiro e maio decorrerá em Santiago de Compostela. Os usuários e usuárias de Facebook Dora Matos, Xurxo Allegue e Alvarito Ordóñez poderám assistir de graça à encenaçom de Um Picasso, que terá lugar hoje no Salón Teatro.
As sócias e sócios da da AGAL poderám também desfrutar desta obra ao preço especial de 3 € graças ao acordo assinado entre a associaçom e a o CDG para a promoçom deste programa de teatro galego e português. Para terem a sua entrada reservada a preço especial deverám escrever a logistica@agal-gz.org antes do dia da funçom às 15:00h, indicando o seu nome e apelidos.
Segunda peça do ciclo
‘Um Picasso’
Paris ocupada polos alemães. A Gestapo «quer» uma obra de Picasso para uma vernissage. Picasso, é levado para um bunker, onde conhece umha atraente loura que está ali em missom secreta: obter a autenticaçom de Picasso em, polo menos, um de três auto-retratos do artista. Pretende incluir Picasso numa vernissage com obras de Klee, Miró e Leger. Depois de uma apaixonante esgrima verbal entre o artista e a agente, Picasso acaba por assumir os três desenhos, de diferentes períodos da sua vida. Feliz pola missom cumprida e polo desenrolar da relaçom entre eles, Fraulein Ficher convida Picasso a sair dali com ela e o pintor indaga onde e quando ocorrerá a exposiçom. Pola resposta evasiva, percebe que se trata afinal de uma manifestaçom nazi onde se queimarám obras de «arte degenerada». A reaçom de Picasso é violenta, passando a negar a autenticidade dos desenhos, com a agente a exigir uma justificaçom mais plausível. Picasso satisfai com argumentos a exigência e deixa a loura sem o objetivo final da sua visita: umha obra autenticada.
Ficha técnica e artística
- Autor: Jeffrey Hatcher. Traduçom: Brian Head. Encenaçom: Eduardo Tolentino de Araújo
- Eelenco: Rui Madeira, Solange Sá
- Espaço cénico: Eduardo Tolentino de Araújo
- Figurinos: Manuela Bronze
- Ambiente sonoro: Pedro Pinto
- Criaçom vídeo: Frederico Bustorff
- Desenho de luz: Antonio Simón
- Design gráfico e fotografia: Paulo Nogueira
- Diretor de montagem: Fernando Gomes
- Técnico de som e vídeo: João Chelo
- Técnico de operaçom de luz: Vicente Magalhães
- Técnico de construçom e montagem: Alfredo Rosário
- Costureira: Celeste Gomes
- Duraçom aproximada: 60 minutos
- Data: 11 de fevereiro de 2015, 20.30h
- Lugar: Salón Teatro Rua Nova, 34. 15704, Santiago de Compostela. Telefone: 981581111
- Bilhetes à venda no Teatro Principal (de terça-feira a sábado, de 18 a 21 h), ou no Salón Teatro, duas horas antes do começo da funçom. Espetáculo incluído dentro do Bono Teatro Galego.
Jeffrey Hatcher
Jeffrey Hatcher é um premiado dramaturgo e argumentista norte-americano que nasceu em 1958. As suas peças fôrom representadas na Broadway, no circuito off-Broadway e em teatros nacionais e estrangeiros. Entre elas destaca-se Compleat female stage beauty (1999), adaptada para o cinema, e Dr. Jekyll and Mr. Hide (2008), vencedora do Edgar Award para Melhor Peça. A Picasso foi escrita em 2005 e estreou no Manhattan Theatre Club e no mesmo ano foi encenada por John Tillinger.
