PGL – O deputado do BNG, Bieito Lobeira apresentou umha pergunta parlamentar sobre a exclusom da língua galega nas campanhas publicitárias de Galicia calidade, sociedade anónima dependente da Conselharia da Economia e a Indústria que persegue, na sua condiçom de marca de qualidade, o reconhecimento da confiança e prestígio dos produtos.
No documento, o parlamentar nacionalista explica que a exclusom da língua galega nesta campanha é «unha demontraçom do desapego polo próprio e de anulaçom do nosso idioma». Ademais, Lobeira explica que os custos da referida campanha ascendem até a meio milhom de euros com painéis localizados nas estradas e ruas, autocarros e aeroportos galegos dirigidos a consumidores e consumidoras.
Nesta linha, o deputado nacionalista considera que nom existem motivos comerciais para a exclusom do galego já que segundo diferentes estudos de mercado, o uso da língua galega na promoçom ou rotulaçom de produtos, «é percebido como sinónimo de proximidade e de confiança e adquire maior credibilidade no mercado».
Por todo isto, o Bieito Lobeira quer saber qual é a razom pola qual Galicia Calidade discrimina a língua galega nas suas campanha e por que todo o País está cheio de painéis de grandes dimensons com a legenda «La mejor calidad gallega controlada. Galicia Calidade».
