PGL – Óscar Curros, jornalista e tradutor, escreveu umha carta aberta à Universidade de Santiago de Compostela (USC) perante a falta de umha mençom adequada para com a língua galega no Curso Internacional sobre o Caminho de Santiago oferecido pola instituiçom universitária.
No seu blogue pessoal, Curros afirma que o referido curso, intitulado ‘Curso de lengua española y de introducción a la cultura gallega’, nom recolhe a diversidade lingüística e cultural da Galiza e explica que a USC, onde ele estudou, tinha um compromisso com essa realidade que nom está a ser cumprido.
Porém, a resposta da USC nom é clara a respeito, e apesar de exibir boas intençons, acaba com um pouco justificável «trabalhamos para que também a través do castelhano o público estrangeiro poda aceder e começar a por-se em contacto com o nosso património lingüístico, cultural e literário em galego».
+ Ligaçons relacionadas:
