PGL – A professora Pilar Garcia Negro, da Universidade da Corunha ministrará hoje, dia 27 de outubro, às 20h, a conferência O idioma em crise: Alternativas, inserida no ciclo Língua, Literatura e Naçom da Associaçom Cultural O Facho. Será nos salons da Fundaçom Caixa Galiza, no Cantom Grande.
Garcia Negro tem participado em numerosos simpósios e congressos nacionais e internacionais sobre sociolingüística, línguas europeias nom normalizadas, literatura galega e feminismo, e publicado ediçons e estudos sobre diversos autores galegos.
No curso 1979-1980, em colaboraçom com Xosé Mª Dobarro, publica, no jornal A Nosa Terra a secçom Liçons de Literatura e de Língua. Além de neste semanário tem colaborado noutras publicaçons periódicas galegas, portuguesas, bascas, catalás e espanholas. Militante do movimento nacionalista desde 1975-1976, foi deputada polo BNG no Parlamento Galego, de 1989 a 2003.
Entre o amplo leque de títulos assinados pola professora encontram-se os seguintes:
– O Ensino da Língua: Por umha muança de rumo, em colaboraçom com Xosé Mª Dobarro
– Sempre em galego
– Poesia galega de Valentin Lamas Carvajal
– Direitos linguisticos e controle político
– Rosália de Castro. El caballero de las botas azules
+ Ligaçons relacionadas:
