PGL – O professor Miguel Barros Puente, ministrará hoje, dia 3 de novembro, às 20h, a conferência Ramón Piñeiro: Umha leitura revisionista do Nacionalismo, inserida no ciclo Economia, História, e Realidade Social da Associaçom Cultural O Facho. Será nos salons da Fundaçom Caixa Galiza, no Cantom Grande da Corunha.
Miguel Barros é professor de educaçom primária e licenciado em ciências políticas. Actualmente é Presidente de Promoçons Culturais Galegas, empresa editora do semanário A Nosa Terra, e membro do conselho de administraçom do Xornal de Galicia. Ainda, foi um dos fundadores do Movimento de Mestres de Ponte Vedra, que espertou a mobilizaçom social do magistério nos anos finais do franquismo. Militante do PSOE até 2006, é um dos líderes do sector galeguista do PSdeG, chegando a ser deputado no Parlamento da Galiza entre os anos 1981 e 1993.
A sua obra Ramón Piñeiro e a revisión do nacionalismo é o estudo mais complexo na procura de um retrato ideológico de Ramón Piñeiro e da compreensom da sua acçom política.
+ Ligaçons relacionadas:
