PGL – Por segundo ano, o festival português ultrapassa o Minho mercê a um acordo entre d’Orfeu e a Agência Galega de Indústrias Culturais (Agadic) que permitiu que os grupos integrados na Rede Galega de Música ao Vivo formassem parte do OuTonalidades.
Com a próxima celebraçom do festival, o Outonalidades atingirá a 13ª ediçom. Apostando numha grande variedade de estilos musicais e grupos seleccionados pola qualidade de cada proposta, o festival contribuirá à promoçom cultural de cada país na outra beira do rio. Haverá assim lugar à participaçom de vários grupos portugueses do OuTonalidades na Galiza, bem como à presença no circuito português de grupos da Rede Galega de Música ao Vivo.
Ainda que a contrataçom de bandas está fechada e que a organizaçom nom fizo público o cartaz, foi confirmado que participarám mais de 20 grupos que oferecerám até 59 concertos, entre 25 de setembro e 19 de dezembro.
Como é já costume, o festival terá lugar em espaços nocturnos e intimistas (bares, cafés, concertos ou associaçons culturais) apostando por umha programaçom musical de qualidade.
Do portal web oficial do Outonalidades ainda apontam:
O OuTonalidades, um enorme palco de oportunidades em franca expansão geográfica ano após ano, estimula o sentido de rede, partilhando pequenos espectáculos em pequenos espaços, nomeadamente cafés-concerto, bares associativos e outros espaços de música ao vivo. É um evento dedicado ao pequeno formato, mas com o envolvimento e visibilidade dos grandes acontecimentos. Não se tratando de um festival de bares com música, o Outonalidades é antes um festival de música nos bares.
+ Ligaçons relacionadas:
