PGL – A Fundación Fermín Penzol celebrou no passado fim-de-semana a quinta ediçom da sua escola em Ponferrada, Cacabelos e Vila Franca que, embora tenha passado desapercebida para os mídia, tinha entre os actos programados umha mesa redonda sobre a situaçom do galego no Berço.
Estavam convidados a participar na mesa redonda os principais partidos políticos das comarcas e ainda mais algum, mas infelizmente, afinal só participárom Izquierda Unida e o Partido do Berço.
Para além das escusas, o que fica às claras é que há medo de debater sobre o galego do Berço, o que nom deixa num lugar muito bom os políticos da comarca, já que ademais, o reconhecimento e protecçom do galego no Berço está recolhido nos estatutos de autonomia da Galiza e de Castela e Leom, e justamente, sobre isto versava a mesa redonda.
Os dous partidos presentes, pronunciárom-se em favor do reconhecimento expresso desta realidade no texto do novo estatuto comarcal, falta por saber agora o que se passará com o resto dos partidos no trámite parlamentar da reforma dos estatutos, nos quais se calhar se encontra a explicaçom a estes medos.
