Mapamundi – Um novo programa saiu à luz esta semana: O Tragasons, umha produçom de Mapamundi Radio realizada em galego-português com a intençom de divulgar as músicas do mundo no âmbito da Galego-Lusofonia, a lançar pontes entre Galiza, o resto de países lusófonos e qualquer lugar do mundo onde haja quem fale a nossa língua comum.
O Tragasons está realizado por Joám Corredoira, o alter (gal-)ego de Juan Antonio Vázquez, com umha trajetória no mundo da rádio de 22 anos (RNE, EFE Radio, Cadena SER, RTBF…) e que, junto com Araceli Tzigane, forma a equipa de Mapamundi Radio, responsável da realizaçom de programas como Mapamundi (emitido por emissoras de Madrid, Galiza e México); Mundofonías (Radio Exterior de España-RNE) ou Le Coin Ibérique/O Recanto Ibérico/El Rincón Ibérico, colaboraçom habitual com a RTBF, a rádio nacional de Bélgica, cuja próxima ediçom está prevista para o 28 de janeiro.
O Tragasons emite-se em Rádio Filispim (Ferrol, Galiza) e Radio ELA (Madrid) e é umha iniciativa aberta a ser emitida livremente por todas as emissoras de Galiza, Portugal, Brasil, de outros países lusófonos e do resto do mundo que o solicitarem. Para solicitar o programa, por favor, contata com o email radio[@]mundimapa.com.
