Esta quinta-feira 27 de junho às 20h30 a companhia Teatro do Pichel estreia a sua nova montagem intitulada Á mesa! A peça poderá ver-se no Centro Social da Gentalha do Pichel também a sexta 28 e o sábado 29 ás 20.30. As entradas já podem ser reservadas no C. S. O Pichel ou chamando ao telefone 636838273. O preço é de 3 euros para pessoas associadas, 4 euros nom associadas. Neste momento, as funçons da quinta e sexta-feira já têm o aforo completo salvo anulaçons de última hora.
Trata-se dumha produçom baixo a direcçom do dramaturgo Zé Paredes que dirige este grupo amador compostelám ligado ao Centro Social A Gentalha do Pichel.
À mesa! será já a séptima produçom da companhia que nasce de um processo de experimentaçom feita em paralelo pelo Teatro do Pichel e o Grupo Opurtunista de Drama (GOD) Flavia Antonia. Este último está integrado pela dramaturga Clara Gayo e os dramaturgos Carlos Santiago e Zé Paredes. A busca dumha escrita performativa na que nom fossem determinantes os condiocionalismos da personagem, história, circunstâncias e género conduziu a autora e autores deste texto experimentar na construçom da situaçom dramática sem argumento prévio. Só houve duas permisas: Uma mesa e dez pessoas. E quase que tudo pode passar ao redor, encol e debaixo dumha mesa, porque a mesa é umha protagonista das nossas vidas.
O grupo de teatro amador do CS O Pichel foi criado no curso 2012-13, e desde esse curso já encenou peças como Precárias (2013) Idas e Vidas (2014), Ubú no lixo (2015), Agorafobia (2016) Parábola do éxito (2017) e O tempo (2018), resultado de vários meses de aulas formativas.
A Gentalha do Pichel é umha associaçom cultural que desde hai quinze anos vem dinamizando o tecido social e cultural da cidade compostelana oferecendo e reivindicando um lacer alternativo e em galego. Com esta peça fai umha achega a um dos seus objectivos: a difusom, conhecimento e criaçom de novas produçons culturais da Galiza. Para mais informaçom pode ser consultado o seu blogue, visitar o facebook do colectivo ou passar polo centro social, nas segundas, terças ou quintas de 18h00 a 23h00, quartas de 18h00 à 21h30, sextas de 19h00 à 01h00 e sábados de 19h00 a 00h00.
