PGL – O Pleno do Senado aprovou a proposta de reforma do Regulamento do Senado para que se utilize o galego, catalám e basco na Cámara. Esta proposta saiu adiante a pesar dos votos em contra do Partido Popular.
A proposta, subscrita por 34 senadores, por 134 votos a favor e 122 contra, após um intenso debate no qual apenas o PP se mostrou contra a iniciativa, e no qual, a maioria dos porta-vozes participárom utilizando algumha das quatro línguas oficiais do Estado espanhol.
Xosé Manuel Pérez Bouza, senador do BNG e um dos promotores desta iniciativa assinada por mais de trinta senadores, afirmou que «estamos num dia importante porque se abre um novo espaço para a minha língua materna, o galego, o que é um motivo de alegria».
Assim, por sua vez, o senador do PP Juan Van Halen argumentou que o Estado espanhol nom é um Estado plurilingüe, mas apenas algumhas comunidades autónomas. Na sua explicaçom, Van Halen frisou que o castelhano é a língua comum e oficial de todo o Estado, advertindo do «ridículo mundial» de Espanha se o presidente do Governo, os ministros e todos os que intervenhem no Senado, tivessem que comparecer com um «auricular, numha Cámara na qual todos partilham um mesmo idioma».
Leire Pajín, senadora do PSOE por Valência, defendeu o voto em favor do seu grupo, começando a sua intervençom falando a língua basca e continuando com a catalá e a galega.
{youtubejw}JaOloZUJABI{/youtubejw}
